राज्य

Blog single photo

બાળકો પાસેથી કંઈક શીખીએ--વૃક્ષોની આ ધરતી પર તાતી જરૂરિયાત છે અને વૃક્ષો છે તો જ ઓક્સિજન છે

08/05/2021

-ઓક્સિજનનું મહત્ત્વ સમજાવવા સુરતનો 4 વર્ષીય દિયાંશ રોડ પર પર્યાવરણ બચાવાની અપીલ કરી રહ્યો છે

 સુરત, અમદાવાદ, 08 મે (હિ.સ.)  વૃક્ષોની આ ધરતી પર તાતી જરૂરિયાત છે અને વૃક્ષો છે તો જ ઓક્સિજન છે. જો લોકો વૃક્ષોનુ જતન નહી કરે તો, એ દિવસો પણ દુર નથી કે બાળકોના ખભા પર સ્કૂલ બેગની જગ્યાએ ઓક્સિજન માટે આવા ઉપકરણો લઈને ફરવુ પડશે.- દિયાંશ

આખુ વિશ્વ જયારે કોરોના મહામારીના ભરડામાં સપડાયુ છે, ત્યારે આ મહામારીનો ભોગ વૃદ્ધો, યુવાનો અને બાળકો સૌ કોઈ બની રહ્યા છે. તેવા સમયે લોકોને બચવા માટેનો છેલ્લો આધાર ઓક્સિજન છે. તેવા સમયે સુરતના ફક્ત 4 વર્ષના દિયાંશ દૂધવાલા નામના બાળકે, જીત ફાઉન્ડેશન ઇન્ડિયા નામની સેવાભાવી સંસ્થાના સહયોગથી, પારદર્શક કન્ટેનરમાં એક છોડ રોપી તે છોડમાંથી જે ઓક્સિજન ઉત્પન્ન થાય છે અને તે ઓક્સિજનને ઓક્સિજન માસ્ક દ્વારા સીધે સીધો શ્વાસ દ્વારા શરીરમાં લઇ શકાય તેવો મેસેજ આપતા એક ઉપકરણ સાથે, સુરતમાં અઠવાગેટ સર્કલ પર ઉતરી, લોકોને સંદેશો આપવા પ્રયાસ કર્યો હતો.

હિન્દુસ્થાન સમાચાર / રેશ્મા નિનામા / માધવી 


 
Top