आर्थिक

Blog single photo

આર.બી.આઈ. ની એમપીસી ની ત્રણ દિવસીય બેઠક આજથી શરુ

05/04/2021

 મુંબઇ, નવી દિલ્હી 05 એપ્રિલ (હિ.સ.). રિઝર્વ બેંક ઓફ ઇન્ડિયા (આરબીઆઈ) ની નાણાકીય નીતિ સમિતિ (એમપીસી) ની ત્રણ દિવસીય બેઠક કોરોના રોગચાળાની નવી લહેર વચ્ચે સોમવારથી શરૂ થઈ રહી છે. ગવર્નર શક્તિકાન્ત દાસની અધ્યક્ષતાવાળી 6 સભ્યોની સમિતિની ત્રણ દિવસીય બેઠક 7 એપ્રિલે પૂર્ણ થશે, ત્યારબાદ આરબીઆઈની નાણાકીય નીતિની સમીક્ષા કરશે.

નોંધનીય છે કે, સરકારે રિટેલ ફુગાવાના દરને 4 ટકાની મર્યાદામાં રાખવાનો લક્ષ્યાંક આપ્યો છે. આવી સ્થિતિમાં નિષ્ણાંતનું માનવું છે કે, રિઝર્વ બેંક સમીક્ષા બેઠકમાં પોલિસી રેટને યથાવત રાખી શકે છે. નિષ્ણાતો નું માનવું છે કે, આરબીઆઈ પોલિસી રેટ ઘટાડવા માટે યોગ્ય તકની રાહ જોશે. આનાથી તે છૂટક ફુગાવાને 4 ટકાની મર્યાદામાં રાખી શકશે અને વૃદ્ધિને પ્રોત્સાહન આપવા માટે ખાતરી કરશે.

ઉલ્લેખનીય છે કે, હાલમાં રેપો રેટ 4% છે અને રિવર્સ રેપો રેટ 3.35% છે. રિઝર્વ બેંકે છેલ્લે મે 2020 માં પોલિસી રેટમાં ઘટાડો કર્યો હતો. ત્યારબાદ કોઈ ફેરફાર કરવામાં આવ્યો નથી. ચાલુ નાણાકીય વર્ષમાં નાણાકીય નીતિ સમિતિની આ પહેલી સમીક્ષા બેઠક હશે.

હિન્દુસ્થાન સમાચાર / પ્રજેશ શંકર /માધવી 


 
Top